As presentacións públicas parecen converterse no pesadelo de Microsoft, pois deixan en moitas ocasións en mal lugar ós produtos en probas antes do seu lanzamento (lembremos cando a Bill Gates lle apareceu un pantallazo azul nunha demostración) e agora esta maldición recaeu sobre o sistema de recoñecemento de voz que incorporará Windows Vista, xa que cando Shanen Boettcher (membro do equipo de desenvolvemento de Vista) ditou ó sistema unha expresión tan sinxela como “dear mom” (querida mamá) o ordenador entendeu “dear aunt” (querida tía) ó que seguiron unha chea de erros consecutivos que incluso levaron a que colgasen de YouTube o bochornoso vídeo co adianto fallido dunha das funcionalidades do sistema operativo de Microsoft.

De tódolos xeitos hai que recoñecer que o recoñecemento de voz é un proceso moi complexo, polo que é difícil facer unha demostración pública exitosa, polo que dende Microsoft se arriscaron moito ó amosar unha utilidade de Vista que depende de moitos factores (coma o adestramento do sistema para entender unha voz determinada ou as condicións acústica do local no que se realice a operación).

(Fonte Código Cero)