Elixir un Xestor de Contidos (CMS)
Calquera que quera publicar contidos hoxe ten a súa disposición unha morea de CMS (Content Management System, sistema xestor de contidos) libres. Cal elixir?
Podes construir o teu propio CMS ou seguir unhas pautas para tratar de atopar o que máis se axuste aos teus requerimentos. Isto último semella o máis habitual.
Pensa nas respostas ás seguintes cuestións:
* Cal é a súa licenza?
* Cal é a súa linguaxe/contorno?
* ...
* Canto tempo leva publicado?
* Está a ser desenvolvido actualmente?
* Quen o emprega?
* Ten soporte?
Tes infinidade de CMSs con licenza GPL e a meirande parte deles execútanse en LAMP (Linux, Apache, MySQL, PHP). Isto xa era case unha premisa así que a cuestión segue en pe: cal é o axeitado para o que quero? Un artigo de NewsForge clasifica segundo diferentes propósitos os máis importantes deles.
E, se aínda tes dificultades para elixir entre algúns finalistas, CMS Matrix permíteche comparar ata 10 CMSs á vez.
Agora mesmo AGNIX.org está neste proceso de selección ...
(escrito por asennadas en Asociación de Usuarios GNIX)
